Euskal Herriko, Burgos eta Errioxako Kimika eta Ingeniaritza Kimikoaren Elkargo Ofizialak (COQIQ) 2023ko Kimika eta Ingeniaritza Kimikoko Gradu Amaierako Lanen Sariak deitzen ditu.

Parte hartzeko baldintzak

  1. 2023an Kimikako edo Ingeniaritza Kimikoko Gradu Amaierako Lana aurkeztu izana. 2022an aurkeztutako Gradu Amaierako Lanak onartzen dira, aurretik sarirako hautagai izan ez badira.
  2. Euskal Herriko, Burgos eta Errioxako Kimika eta Ingeniaritza Kimikoaren Elkargo Ofizialeko (COQIQ) kide izatea lehiaketarako eskabidea aurkezteko unean. Izen ematea doakoa da parte hartzaileentzat.
  3. Izena emateko orria betetzea (fitxa deskargatu).
  4. Gradu amaierako lanaren kopia aurkeztea PDF formatuan, secretaria@coqiq.com helbide elektronikora bidalita, 2023ko urriaren 30a baino lehen.

Epaimahaiaren ebazpena

Erabakia Euskal Herriko, Burgos eta Errioxako Kimika eta Ingeniaritza Kimikoaren Elkargo Ofizialeko (COQIQ) kideek osatutako batzorde batek hartuko du eta apelaezina izango da.

Sariak

Sariak egiaztagiri bat eta 1.000 euroko poltsa ekonomikoa izango dira.

Sariak banatzeko ekitaldiak

Sari banaketa San Alberto Handiaren egunean egingo da, Euskal Herriko Unibertsitateko Kimika zein Zientzia eta Teknologia fakultateetan, Burgosko Unibertsitateko Zientzia Fakultatean eta Errioxako Unibertsitateko Zientzia eta Teknologia Fakultatean.

Saritua izanez gero, ezinbestekoa izango da sari banaketara joatea. Joan ez izana behar bezala justifikatzen ez duenak saria jasotzeko eskubidea galduko du.